نێچیروان بارزانی و عەبادی: نەبایەس هاوڵاتیەیل باج گیچەڵە سیاسیەیل وە ژیان و گوزەرانیان بیەن
![نێچیروان بارزانی و عەبادی: نەبایەس هاوڵاتیەیل باج گیچەڵە سیاسیەیل وە ژیان و گوزەرانیان بیەن](https://media.shafaq.com/media/arcella/1705228550701.jpg)
سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت، سەرۆک هەرێم وەرجە نیمەڕو ئمڕوو یەکشەممە، دیداریگ وەرد سەرۆک هاوپەیمانی نەسڕ حەیدەر عەبادی ئەنجامدا، وتیش لە میانەی دیدارەگە هۆیر و بوچونەگانیان ئاڵشتکردن لەباوەت بارودۆخ عراق و پەیوەنیەگان ناوەین هەولێر بەغدا، و رووشنایی خستنە بان نووترین پیشهاتەیل ناوچەگە.
هەردوگلا دووپاتکردن لە پێویستی مقیەتیکردن عراق لە لێکەفتەیل بارودۆخ ئالۆز ناوچەگە، و گرنگی دەسمیەتیدان لایەنەیل سیاسی و پێکهاتەیل عراق ئەرا رەدکردن گیچەڵەیل و چارەسەرکردن گرفتەیل لە ری گفتوگوکردن و لەیەکفامستن، و هەردولا هاوڕا بوین هاوڵاتیەیل نیەود باج گیچەڵە سیاسیەیل وە ژیان و گوزەرانیان بیەن.
هەمیش تاوتۆێکردن مەترسیەیل تیرۆر و هەڕەشەیل داعش ئەرا ئەمن و بیوەیی وڵاتەگە لایەنیگتر بوی لە گفتوگویەلیان.