نێچیروان بارزانی و عبادی جەخت لە پشتبەسان وە گفتوگۆ ناوبەین بەغداد و هەولێر وەگورەی دەستوور کەن
2023-03-01T12:13:00+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، وەگەرد حەیدەر عبادی سەرۆک هاوپەیمانی نەسر، باس لە کار حکومەت ئیسە و لەیەکڕەسینەوە ناوبەین ناوەند و هەرێم کرد.
ئەوەیش لە سەردان عبادی ئەرا هەرێم کوردستان هات، ک لەناوی چەوی کەفتە نێچیروان بارزانی سەرۆک هەرێم کوردستان، وەگورەی بەیاننامەیگ رەسیە ئاژانس شەفەق نیوز.
لە دیدارەگە باس رەوشەیل وڵاتەگە وەگشتی کریا، و هەمیش کار حکومەت لە مانگەیل گوزەشتە و بڕیارەیل چاکسازی لە بڕیگ بە کەرتەیل، و گرنگی دابینکردن کەشوهاوی تەندروس ئەرا چارەکردن گرفتەیل ناوبەین ناوەند و هەرێم.
هەردوگ لایەنەگە زوور لەبان گرنگی پشتبەسان وە گفتوگۆ و ئەنجامدان کەردەوبوینەیلیگ زیاتر ناوبەین ناوەند و هەرێم، ئەرا لەیەکڕەسینەوە وەگورەی دەستوور، و دووپات لە گرنگی تەقەلاداین زیاتر ئەرا ئارامی وڵاتەگە و پیشکەشکردن هەرچەگ خزمەت هاووڵاتیەیل لە گشت پارێزگایل کەێد.
