نێچیروان بارزانی و شاه ئوردن دووپات لەبان خەسەوکردن تەقەلایل ناودەوڵەتی کەن ئەرا ئارامکردن گشتگیر لە ناوچەگە
شەفەق نيوز/ نێچیروان بارزانی سەرۆک هەرێم کوردستان، و شاه عەبدولڵا سانی شای ئوردن، ئمڕوو یەکشەممە، دووپات لەبان گرنگی خەسەوکردن تەقەلایل ناودەوڵەتی کردن ئەرا رەسین وە ئارامکردن گشتگیر لە ناوچەگە.
دیوان شاهی ئوردن لە بەیاننامەیگ رەسیە ئاژانس شەفەق نیوز وت: شاه عەبدولڵا سانی لە کۆشک حوسەینیە٨لە عەممان پایتەخت پیشوازی لە نێچیروان بارزانی سەرۆک هەرێم کوردستان کرد، و لە دیدارەگە باس پەیوەندییەیل برایەتی ناوەین ئوردن و عراق و شیوەیل هاوکاری ناوەین شانشین و هەرێم کوردستان لە چەن چینیگ کریا.
شاه ئوردن دووپات کرد لە گرنگی خەسەوکردن تەقەلایل هەرێمی و ناودەوڵەتی ئەرا ئارامکردن گشتگیر لە ناوچەگە، وەشیوەیگ دەسمیەتی بەێد لە پاڵپشتیکردن ئاسایش و ئارامی.
لەو دیدارە وە ئامادەبوین شاند شەرف وە یاوەری میوانەگە، شازادە عەلی بن حوسەین، باس دیارترین نووەوبویەیل لە ناوچەگە کریا، وەتایبەتی لە غەززە و کناراو خوەرئاوایی و سوریا و لوبنان.
لەلای خوەیبش، سەرۆک بارزانی باس رێز قویلی ئەرا هەڵوێستەیل پاڵپشتیکەر ئوردن ئەرا عراق و هەرێم کوردستان کرد، کە پەیوەندییەیل میژوویی و برایەتی نشان دەن.
لە دیدارەگە، هەرلە ئەیمەن سەفەدی جیگر سەرۆک وەزیران و وەزیر دەیشت، و عەلا بەتانیە وەڕیەوبەر نویسینگەی شاه، و عومەر بەرزنجی باڵیۆز عراق لەلای ئوردن و شاند یاوەر میوان ئامادە بوین.
