نێچیروان بارزانی وەگەرد وەزیر دەیشت ئەڵمانیا باس پەیوەندییەیل دووانی کەێد
شەفەق نيوز- بەرلين
نێچیرڤان بارزانی سەرۆک هەرێم کوردستان، ئمڕوو یەکشەممە، وەگەرد يۆهان واديفول، وەزیر دەیشت ئەڵمانیا، باس نووەوبویەیل خوەرھەڵات ناوڕاس، و پەیوەندییەیل دووانی کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس را و نووڕینەیل کردن لەباوەت پەیوەندیەیل ئەڵمانیا وەگەرد عراق و هەرێم کوردستان، و رۆڵ کارای ئەڵمانیا لە ناوچەگە.
وتیش: بارزانی سوپاس ئەرا پشتگیریکردن و دەسمیەتیەیل لە ئەڵمانیا کرد کە لە جویراجویر چینەیل ئەرا عراق و هەرێم کوردستان پیشکەش کەێد.
لەلای خوەییش، وەزیر دەیشت ئەڵمانیا ئافەرین لە پایەی هەرێم کوردستان کرد جویر مدوو ئارامی لە ناوچەگە، و دووپات لە پابەندبوین وڵاتەگەی کرد وە وەردەوامی پاڵپشتیکردن و ئاسایش و ئارامی عراق و هەرێم کوردستان.
وتیش: دویاترین نووەوبویەیل لە رەوشەیل خوەرھەڵات ناوڕاس، و کاریگەریەیلی باوەتەیلیگ ترەک بوین لەناو ئەو دیدارە.
