نێچیروان بارزانی وەگەرد وەزیر دەیشت فەرەنسا باس رەوشەیل سوریا و خوەرهەڵات ناوڕاس کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، لە میونشن، وەگەرد جان-نويل بارو، وەزير دەیشت فەرەنسا، باس پەیوەندییەیل ناوەین عراق و هەرێم کوردستان وەرد فەرەنسا کرد، و شيوەیل پتەوکردن هاوکاری لە چینەیل سیاسی و ئەمنی و ئابووری.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی ئاشکرای رێز گەل کوردستان کرد ئەرا ئەو برادەری و پاڵپشتیکردن وەردەوامە کە فەرەنسا ئەرا هەرێم کوردستان پیشکەشی کەێد، وەتایبەت لە جەنگ تیرۆر و پتەوکردن ئارامی، و دووپاتیش کرد لە گرنگی بەرزکردن پەیوەندییەیل وەرد فەرەنسا لە جویراجویر چینەیل.
لەلای خوەییش، وەزیر جان-نويل بارو پابەندی فەرەنسا وە پتەوکردن هاوکاریی وەرد هەرێم کوردستان دووپات کرد، و باس رۆڵ هەرێم کوردستان کرد لە ئارامی عراق و ناوچەگە، و دووارە پابەندبوین فەرەنسا وە پشتگیریکردن عراق و هەرێم کوردستان لە نواگیریکردن سەختیەیل ئەمنی هاوبەش نووەو کرد.
لە دیدارەگە باس رەوشەیل لە سوریا کریا، وەتایبەت کوردەیل ئەورا، و پیشهاتەیل خوەرهەڵات ناوڕاس وەگشتی.
