نێچیروان بارزانی وەگەرد شاند "کۆمسیۆن باڵا" باس ئامادەکاریەیل جیوەجیکردن هەڵوژاردن پەرلەمان کوردستان کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی، ئمڕوو پەنجشەممە، وەگەرد سەرۆک کۆمسیۆن باڵای سەروەخوەی هەڵوژاردن لە عراق گردەو بوی، وە ئامادەبوین دوو جیگر سەرۆک هەرێم، و نوینەر ئەمیندار گشتی نەتەوە یەکگرتگەیل لە عراق جنین بلاسخارت، و تیمیگ لە پسپۆڕەیل شاند نەتەوە یەکگرتەیل وەگەرد ئەندامەیل ئەنجومەن کۆمسیۆن هەڵوژاردن عراقی.
بەیاننامەگە وتیش: بارزانی جەخت لە داناین گامەیل زوییگ کرد ئەرا جیوەجیکردن هەڵوژاردن پەرلەمان کوردستان، و باس ئامادەیی سەرۆکایەتی هەرێم کوردستان و حکومەت و گشت لایەنەیل پەیوەنیدار کرد ئەرا سەرکەفتن هەڵوژاردن.
بەیاننامەگە دیاری کرد ک بلاسخارت و تیم یونامی پاڵپشتیکردن و پشتگیریکردن شاند نەتەوەیی ئەرا گامەیل نێچیروان بارزانی سەرۆک هەرێم کوردستان نشان دان، و باس ئامادەیی شاندەگە کرد ئەرا پیشکەشکردن دەسمیەتی ئەرا جیوەجیکردن هەڵوژاردن و سەرکەفتنی.
بەیاننامەگە وتیش: سەرۆک کۆمسیۆن باڵای سەروەخوەی هەڵوژاردن لە عراق و ئەنجومەن کۆمسیۆن سوپاسیان ئەرا سەرۆک هەرێم کوردستان ئەرا مکیسیکردنیان و گرنگیدان وە گواستنەوەی را و گفتوگۆ نشان دان، وتنیش؛ کۆمسیۆن ئامادەس ئەرا جیوەجیکردن هەڵوژاردن پەرلەمان کوردستان وەگورەی یاسا، دویای دابینکردن خوازینەیلی و رێککەفتن لەبان مەوقەیگ گونجیاگ.
بەیاننامەگە وتیش: لەناو گردەوبوینەگە بڕیار وەردەوامی لە پەیوەندی هەمیشەیی دریا، ئەرا دیاریکردن مەوقەی جیوەجیکردن هەڵوژاردن.
