نێچیروان بارزانی وەگەرد سەرکردەیل جەهان بەشداری لە کۆنفرانس ئاسایش میونشن کەێد
شەفەق نیوز/ سەرۆک هەرێم کوردستان نێچیروان بارزانی بەشداری کۆنفرانس ئاسایش میونشن کەێد، کە تا ماوەی 14-16 شوبات ئمساڵ لە شار میونشن ئەڵمانیا وەڕیەو چوود.
کۆنفرانسەگە وە بەشداری شمارەی فرەیگ لە سەرۆک دەوڵەت و حکومەت و وەزیرەیل دەیشت و وەرگری هەمیش گروپیگ نوخبەی پسپۆڕ و بڕیاردەر لە بوارەیل سیاسەت و دیپلۆماسی و ئاسایش ناودەوڵەتی وەڕیەو چوود.
سەرچەوەیگ لە سەرۆکایەتی هەرێم کوردستان ئەرا ئاژانس شەفەق نیوز وت: سەرۆک نێچیروان بارزانی لە وەڵامدان مکیسیگ تایبەت کۆنفرانسەگە که بەشداریی کەێد، و ئەوەیش لە چوارچیوەی تەقەلایلی ئەرا قایمکردن پەیوەندییەیل ناودەوڵەتی هەرێم کوردستان، و رووشنایی بخەێدە بان ئاستەنگە ئەمنی و سیاسییەیل لەڕوی ناوچەگە و عراق و هەرێم کوردستان.
بڕیارە سەرۆک هەرێم زنجیرەیگ دیدار وەرد
شمارەیگ سەرکردە و وەرپرس هەرێمی و ناودەوڵەتی ئەنجام بەێد، لەبان پرسەیل ئاسایش و سەقامگیری ناوچەگە، هەمیش جەنگ تیرۆر، و ریەیل پەرەپیدان پەیوەندییە دووانیەیل ناوەین هەرێم کوردستان و وڵاتەیل بەشداربوی کۆنفرانسەگە بکرێد.
سەرۆک نێچیروان بارزانی وەرجەیە بەشداری دانیشتنەیل وەرین کۆنفرانسەگە کردوێد، لەناوی دووپات لە گرنگی خەسەوکردن تەقەلایل ئەرا مقیەتیکردن دەستکەفتە ئەمنییەیل ناوچەگە، و بەرزکردن هاوکاری سیاسی و ئابووری لە بەرژەوەنی گەلەیل ناوچەگە و عراق وە گشتی کرد.
کۆنفرانس ئاسایش میونشن یەکیگە لە دیارترین کۆڕبەندە ساڵانەیەیل جیهانە، کە وەرپرسەیل باڵای حکومەت و شارەزایەیل بوار وەرگری و ئاسایش و سیاسەت دەیشت گردەو کەێد.
لە کۆنفرانسەگە باس لە ئاستەنگەیل ئیسە لە وەردەم کۆمەڵگەی ناودەوڵەتی کریەێد، لەوانە پرسەیل تیرۆر، ململانێ چەکدارییەیل، بڵاوبوین چەک، ئاڵشتبوین کەشوهەوا و کاریگەرییەیلی لەبان ئاسایش جیهانی.
یەکەم دانیشتنەیل کۆنفرانسەگە لە ساڵ ١٩٦٣ لە ژیر ناو "گردەوبوین زانستە وەرگرییەیل" وەڕیەو چگ، کە ئمجا بویە یەکیگ لە گرنگترین پلاتفۆرمە ناودەوڵەتییەیل ئەرا گفتوگۆکردن لەبان پرسەیل ئەمنی و سیاسی.
نێچیروان بارزانی وەرجەیە بەشداری دانیشتنەیل وەرین کۆنفرانس ئاسایش میونشن کردگە، لەو ماوە بڕیگ دیدار گرنگ وەرد سەرکردە ناودەوڵەتییەیل و کەسایەتییە دیارەیل سیاسەت و دیپلۆماسی ئەنجام دا.
لەو بەشداریەیلە بارزانی باوەتەیلیگ خستە وەردەس لە رەوش هەرێم کوردستان لە چوارچیوەی عراق و ناوچەکە، لەوانە دیالۆگ وەرد حکومەت فیدراڵی لە بەغدا و ئاوەدانکردن و بەرزکردن دەرفەت بەرهەمهاوردن ناودەوڵەتی.
دیدارەیل وەرین لە پەراوێز کۆنفرانسەگەیش بەشداربوین لە فراوانکردن پەیوەندییەیل دەیشت هەرێم بوی، چ لە ئاست سیاسی یا لە ئاست ئابوری، و دەرفەت دروس کرد ئەرا باسکردن دیدگای هەرێم کوردستان لە چارەسەرکردن کێشەیل و ڕۆڵی جویر هاوبەشیگ گرنگ لە هاوپەیمان ناودەوڵەتی دژ تیرۆر.
