نێچیروان بارزانی وەگەرد سودانی بارودۆخ عراقی و ناوچەگە باس کەێد و دووپات لە گرنگی وەردەوامبوین لە گفتوگۆ کەن

​شەفەق نیوز - هەولێر

​سەرۆک هەرێم کوردستان نێچیروان بارزانی، ئمڕوو دووشەممە، وەگەرد سەرۆک پەیمان ئاوەدانکردن و گەشەپێدان و سەرۆک وەزیرەیل وەرین  عراق محەمەد شیاع سودانی کوو بوی.

لە بەیاننامەیگ  سەرۆکایەتی هەرێم کوردستان ئاشکرایکرد،  لە ماوەی دیدارەگە بارودۆخ سیاسی و ئەمنی لە عراق باس کریا، و دوایین ئەوزەڵکردنەیل ناوچەیی، وەگەرد دۆسیەی پەیوەنییەیل نەتەوەیی لە ناوەین هەولێر و بەغداد.

لە بەیانننامەگە وتیش؛  هەردوگ لایەن دووپات کردن لە بان گرنگی وەردەوامبوین لە گفتوگوو و لەیەکفامستن لە ناوەین لایەنەیل سیاسی، ئەرا پاراستن سەقامگیری و ئەوزەڵ ئابووری و خزمەتکردن هاووڵاتییەیل.

​دووپاتکردن لە هەوەجەی   هەماهەنگی و کار هاوبەش لە ناوەین هێزەیل و لایەنەیل عراقی ئەرا رویوەرویبوین ئاڵنکاریەیل کە بویە تەوەریگ تر ئەرا دیدارەگە، وەپای بەیاننامە سەرۆکایەتییەگە.