نێچیروان بارزانی و باڵیۆز نەمسا دووپات لە فراوانکردن هاوکاری هاوبەش لە گشت چینەیل کەن
2024-08-03T11:47:25+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، وەگەرد ئەندریا ناسی باڵیۆز نەمسا لەلای عراق، دووپات کردن لەبان گەشەپیدان پەیوەندییەیل نەمسا وەرد عراق و هەرێم کوردستان و دەرفەتەیل فراوانکردن ئاسووەیل هاوکاری هاوبەش لە گشت چینەیل.
ئەوەیش لە پیشوازیکردن لەلایەن سەرۆک هەرێم کوردستان لە هەولێر وە باڵیۆز نەمسا، و هەردوگ لایەن باس سەردان دوایین سەرۆک نێچیروان بارزانی ئەرا ڤیێنا و دیدارەیلی وەرد سەرۆک نەمسا و وەزیر دەیشتی کردن.
لەلاییگ ترەک، لە دیدارەگە باس رەوشەیل گشتی لە عراق و هەرێم کوردستان کریا، و پەیوەندییەیل هەولێر و بەغدا، و دویاترین گەشەیل ناوچەگە، و بڕیگ باوەت گرنگ لەلای هەردوگ لایەن، وەگورەی بەیاننامەیگ لە سەرۆکایەتی هەرێم کوردستان.
