نێچیروان بارزانی ئومید خوازێد پەرلەمان ئەڵمانیا مەنین هیزەیلی لە عراق درویژەو بکەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، ئومیدی نشان دا ک پەرلەمان ئەلمانیا ڕازی بوود مەنین هیزەیلی لە هەرێم کوردستان وگشت عراق درویژەو بکەێد.

ئەوەیش لە چەوبیکەفتن شاندیگ پەرلەمانی لە حزب (‏SPD‏) لە پەرلەمان ئەڵمانیا وە سەرۆکایەتی پەرلەمانتار نێڵز شمید.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز: لەو گردەوبوینە ک وەزیر پێشمەرگە لە حکومەت هەرێم کوردستان ئامادەی بوی، باس پەیوەندیەیل ئەڵمانیا وەرد عراق و هەرێم کوردستان، و ئەرکەیل هیزەیل ئەڵمانیا لەناو هاوپەیمان ناودەوڵەتی دژوە داعش کریا، و هەمیش ناکۆکیەیل ناوبەین هەولێر و بەغدا، و رەوش ئابووری و گورجی کەرت تایبەت، و باوەتەیل دیموکراتی و ماف و مرۆڤ وئازادیەیل.

بەیاننامەگە وتیش: سەرۆک نێچیروان بارزانی دووارە دووپات کرد ک هیمان داعش هەڕەشەی راسییگ لەبان عراق و سوریا کەێد، و ئەرا لەناوبردن تیرۆر لە عراق وهەرێم، هیمان دەسمیەتی و پاڵپشتی هاوپەیمان ناودەوڵەتی خوازن، و لە خود وەختەگە باس لە ئومید خوەی کرد ک پەرلەمان ئەلمانیا لە مانگ تەشرین دویەم بڕیار درویژەوکردن ئەرک هیزەیل وڵاتەگەی لە عراق و هەرێم کوردستان بیەێد.