نێچیروان بارزانی: هەوەجە وە هاوکاری ناوەین پێشمەرگە و سوپای عراقیە ئەرا بەڕەنگاربوین تیرۆر وە پاڵپشتی هاوپەیمانی ناودەوڵەتی

شەفەق نیوز/ سەرۆک هەرێم کوردستان، نێچیروان بارزانی، ئمڕوو چوارشەممە، پیشوازی لە راوێژکار باڵای سەربازی بەریتانیا ئەرا خوەرهەڵات ناوڕاس ئيدوارد ئه‌لگرێن، و   شاندیگ ياوه‌رى كرد كه‌ له‌ شمارەیگ پله‌دارەیل سه‌ربازى پێكهاتوین.

لە کووبوینەوەگە دۆعراق و هەرێم کوردستان و دویایین پیشهاتەیل بەڕەنگاربوین تیرۆر و کردەوەیل داعش لە عراق و سووریا  گفتوگوکریا.

هەردووگلا هاوڕابوین داعش هێمانگ هەڕەس و ئارامی و سەقامگیری  ناوچەگە خەێدە مەترسی.

هەردووگلا دووپاتکردن لە گرنگی دەسمیەتی و هەماهەنگی پێشمەرگە و سووپای عرق ئەرا پشتگیری و هاوپەیمانی ناودەوڵەتی دژ داعش ئەرا رویوەرویبوینەوەی تیرۆرستەیل، هەمیش باس لە ئەرکەیل ئایندە هاوپەیمانی ناودەوڵەتی لە عراق و هەرێم کوردستان کرد..

هاوکاری و پەیوەندیەیل بەریتانیا وەگەرد عراق و هەرێم کوردستان، دویایین پیشهاتەیل خوەرهەڵات ناوڕاس و گراگی پاراستن بیوەیی ناوچەگە، تەوەریگ ترەک بوی لە کووبوینەوەگە کە کونسۆل گشتی بەریتانیا لە هەرێم کوردستان ئامادەی بوی.