نێچیروان بارزانی: هەرێم کوردستان لەچین ماف ژن ویەکسانی وە ریە راسەگە چوود
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات کرد لە چەگن هەرێم وەبان ریە راسەگە لەچین ماف مرۆڤ ویەکسانی.
ئەوەیش لە دیدار شاندیگ هات وەگەرد هەرلە پەرلەمانتارەیل قاسم تاهر ساڵح و ماکس لۆکس ویاوەریان وقونسڵ گشتی ئەڵمانیا وە جینشینی لە هەرێم کوردستان.
سەرۆکایەتی هەرێم کوردستان لە بەیاننامیگ رەسیە ئاژانس شەفەق نیوز وت: لە دیدارەگە باس پەیوەندیەیل هەرێم کوردستان وەرد ئەڵمانیا، رەوشەیل ناوخۆیی هەرێم کوردستان، پەیوەندیەیل هەولێر-بەغداد، ژینگە وکاریگەری ئاڵشتبوین کەشوهەوا لەبان عراق و هەرێم کوردستان، باوەتەیل ماف ژن، یەکسانی، گەنج، ئازادی، ئازادی قسەکردن کریا.
سەرۆک نێچیروان بارزانی وت: هەرچەن کەمی وتێبینی لەبان مافەیل و مقەیەتیکردن ماف ژن ویەکسانی هەس، باوجی هەرێم کوردستان وەبان ریە راسەگە چوود، وئەوەسا وەردەوام بوود وەرەو دویارووژیگ خاستر، وگامەیل خاسیگ لەی چینەیلە نریاگە، ولەی باوەتە پیشوازی لە تێبینی ودەسمیەتی برادەرەیل لە کۆمەڵگای ناودەوڵەتی کەێد.
لەلای خوەیانیش میوانەیل دووپات کردن ک ئەڵمانیا وەگرنگی نووڕێدە برادەری وپایەی هەرێم کوردستان، وجویر هاوبەشیگ گرنگ دانەێدەی، و شاندەگە هەمیش باس گرنگی کەلتوور وەیەکەوژیان ودووسی وخوەشبوین ناوبەین پیکاتەیل هەرێم کوردستان کرد، و وەسیمای رەنگینگ باسی کرد.
