نێچیروان بارزانی: نیەوود عراق گاڵ بيەیمن ئەرا ناو جەنگ وەردەوام ناوچەگە
بارزانی لە وتاریگ لە کۆڕبەن چوارەم ئاشتی و ئاسایش لە خوەرهەڵات ناوڕاس کە لە دهۆک سازکریا راگەیان، "جەنگ ناوەین ئیسرائیل و حەماس ئەوە چەسپان ئاسایش جەهانی چەمکیگ راستەقینەس و تێوەگلان هێزەیلتر لەناوجەنگەگە بارودۆخەگە زیاتر سەختەو کەێد".
وتیش: "لە مەوقەی جەنگ، هەوەجە کەێد عراق و کوردستان زیاتر وە ئاگاداربوین مامەڵە بکەن لە هەر وەختیگتر، هەمیش بایەد نەیلیمن عراق تێوەبگلێد لەناو ئێ جەنگە وە هەر هووکاریگ بوود".
وتیش، ئیرنگە بایەت عراق بکرێدە گۆڕەپانیگ ئەرا چارەسەر گرفتەیل مەردم عراق، نەک گۆڕەپانیگ ئەرا درویژەوکردن جەنگ و ئاڵۆزیەگان ئەرا ناوچەگە.
بارزانی وتیش، چارەسەر دوو دەوڵەت کە ماف بوون و ئاشتی ئەرا ئیسرائیل و فەڵەستین مسۆگەربکەێد تاکە ریە ئەرا کۆتایهاوردن وە جەنگ و چەندین دەیە لە خوین و ویرانکاری هویچ ئەنجامیگ نەیرێد نە ئەرا فەڵەستین و نە ئەرا ئیسرائیل.
