نێچیروان بارزانی ٣٦مین ساڵیاد ئەنفالکردن ١٨٩ هەزار کورد کەێد
![نێچیروان بارزانی ٣٦مین ساڵیاد ئەنفالکردن ١٨٩ هەزار کورد کەێد](https://media.shafaq.com/media/arcella/1724570944754.jpg)
بارزانی لە بەیاننامەیگ رەسیە ئاژانس شەفەق نیوز وت: ئمڕوو یاد خەفەتبار ساڵانەی سی و شەشەم ئەنفال بەهدینان کەیمنە کە لە (25 ئاب تا 6 ئەیلوول 1988) جیوەجی کریا، و لە دویادویای قۆناغەیل ئۆپراسیۆنویل ئەنفال، مەدەنییەیل و زەوی و ئاو و سروشت ناوچەگە لەناودا.. سڵاو لە گیان پاک ١٨٩ هەزار ئەنفالکریای کوردستانی، هەر لە گەرمیانەو تا دویاترین ئاوایەیل بەهدینان، کە بوینە قوربانی تاوانەیل رژیم عراقی ئەو سەردەمە.
وتیش: دادگای تاوانەیل باڵای عراق بڕیاردا کە ئۆپراسیۆنەیل ئەنفال جینۆسایدکردن نەتەوەییە و تاوان جەنگە و تاوان دژوە مرۆییە، ئەراوە گلەو خوەیمن و داوا لە حکومەت عراقی جاریگ ترەک کەیمن قەرەبوو کەسوکارەیل ئەنفالکریاگەیل بکەێد لە گشت روویگ، و لە هەرێم کوردستان، بایەسە خزمەتگوزارییەیل خاستر ئی ئەرا کەسوکارەیل سەربەرزیان پیشکەش بکریەێد، و ئەوەسا وەردەوامی دەیمنە تەقەلایلمان ئەرا دانوەپیناین ئەنفال جویر تاوان جینۆسایدکردن نەتەوەیی لە ئاست جەهانی.
نێچیروان بارزانی وتیش: هەرێم کوردستان و مافەیل دەستووریی، بەرهەم گیانە پاکەیل و خوین هەزاران شەهید و ئەسر هەزاران داڵگ کوڕ کوشیاگە، و تویشهاتن ئۆپراسیۆنەیل ئەنفال و گورزەیل کیمیایی و رەنج و قوربانیەیل کوردستانیەیلە، وتیش: ئەرک گشتمانە مقیەتیکردنی و وەرگریکردن لەلی وەگشت شیوەیگ، و هەرچەن گیچەڵ و ناکۆکی هەس، بایەسە هاوڵاتی خوەی ئامانج و گردەوکەر ئەرا گشتمان بوود.
لەی ساڵیادە، بارزانی دووپات لەبان گرنگی سوودگردن لە وانەیل گوزەشتە لە عراق، و بایەسە ماف گشت پیکاتەیل مسۆگەر بوودر تا گشتمان بتوەنیمن بانانیگ خاستر ئەرا نەوەیل ئیسە و هاتگ مسۆگەر بکەیمن.
وتیش: سڵاو لە گیان شەهید و ئەنفالکریاگەیل و گشت شەهیدەیل کوردستان، و سوپاس لە خەڵک بەڕێز هەولێر و دەورگردی، کە لەو رووژەیل سەختە رەسینە هانای کەلەمەدیەیل لە خەڵک بەخۆیان لە (جيزنيكان) خانەدانی و هەڵویستیان قەت لە هویرەو نیەچوود.