نێچیروان بارزانی لە پیرووزباییکردن لە پزیشکیان: نووڕیمنە گەشەپیدان پەیوەندییەیل برادەری کوینەمان

نێچیروان بارزانی لە پەیام پیرووزبایی کە لەبان پلاتفۆرم ئێکس بڵاوی کرد، نویسان: لە هەرێم کوردستان و عراق نووڕیمنە گەشەپیدان پەیوەندییەیل برادەری کوینەمانر و وەردەوامی هاوکاری هاوبەش وەرد کۆمار ئیسلامی لە بنەمای بەرژەوەنیەیل گشتیە خاس هاوسایەتی 

لەلای خوەییش، مەسروور بارزانی سەرۆک حکومەت هەرێم کوردستان، هەمیش پیرووزبایی لە پزیشکیان کرد وە بوونەی هەڵوژاردنی جویر سەرۆک نوو ئیران.

مەسروور بارزانی لەبان پلاتفۆرم ئێکس نویسان: ئیران هاوسایگ گرنگە ئەرا هەرێم کوردستان و عراق.

وتیش: نووڕیمنە قویلەوکردن پەیوەندییەیل خاس هاوسایەتی و رێزگردن وەرانەوەری.

مەسعود پزیشکیان کاندید چاکسازیی، رووژ شەممە، لە دویەم خول هەڵوژاردن سەرۆکایەتی ئیران، وەرانوەر سەعید جەلیلی سەرکەفتن هاورد، وەگورەی میدیایل راگەیانن فەرمی.