نێچیروان بارزانی لە رسوومەیل قەسەمخواردن سەرۆک نوو ئیران بەشداری کەێد.. وینە
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی وە یاوەری شاند پایەبەرزیگ شانوەشان سەرۆکەیل و گەورە وەرپرسەیل وڵاتەیلە کە مکیس ئەراک لە بەشداریکردن لە رسوومەیل قەسەمخواردن دەستووری سەرۆک نوو ئیران مەسعوود پزیشکیان و دەسکردن وە ئەرکیلی بەشدار بوی، کە لە ئەنجومەن شورای ئیسلامی وەڕیەو چگ.
هەرلە شێخ جەعفەر شێخ مستەفا جیگر سەرۆک هەرێم کوردستان، و ڕێبەر ئەحمەد وەزیر ناوخوەی هەرێم کوردستان، و فەوزی حەریری سەرۆک دیوان سەرۆکایەتی هەرێم کوردستان، لەناو شاند نێچیروان بارزانی بوین، و نیمەڕو ئمڕوو رەسینە تەهران، لە جیوەجیکردن مکیسیگ فەرمی وەلایەن کۆمار ئیسلامی ئیران ئەرا بەشداریکردن لەی رسوومەیلە.
نێچیروان بارزانی سەرۆک هەرێم کوردستان، شەوەکی ئمڕوو، رەسیە تەهران پایتەخت ئیران، ئەرا بەشداریکردن لە رسوومەیل داناین مەسعوود پزیشکیان جویر سەرۆک ئیران.
پزیشکیان کاندید چاکسازی خواز لە تەبریز، وەزیر تەندروسی وەرینر لە دویەم خول هەڵوژاردن سەرۆکایەتی لە پەنج تەمووز، ٥٣.٧ لەسەد لە دەنگەیل وەدەس هاورد، تا بوودە نۆهەم سەرۆک کۆمار ئیسلامی ئیران.
