نێچیروان بارزانی لەباوەت پەلامار کەرکوک داوای هاوکاری سێیانی ئەرا لەناوبردن داعش کەێد
شەفەق نيوز/ نێچیروان بارزانی سەرۆک هەرێم کوردستان، ئمڕوو یەکشەممە، بانگەوازی ئەرا گرنگی هاوکاریکردن ناوبەین هێزەیل پێشمەرگە و دەزگا ئەمنیەیلەی عراقی کرد، ئەرا لەناوبردن ریخریاگ داعش لە وڵاتەگە وە پاڵپشتی هاوپەیمان ناودەڵەتی.
ئەوەیش لە پەیام پرسە و سەرەخۆشی هات ئەرا خیزان جەنگاوەرەیل لە هێزەیل پێشمەرگە "خالد حەميد هەياس"، و"ئاکۆ كەريم قادر" ک دۊیەکە ئەل نواگردن ریخریاگ داعش لە ناوچەی بردێ لە پارێزگای کەرکوک شەهید بۊین.
سەرۆک بارزانی لە پەیامەگە وت: دووارەکردن و وەردەوامی و فراوانبۊین پەلامارەیل تیرۆریستەیلە ئی راسیە چەسپنێد ک هیمان داعش هەڕەشەی راسی ئەرا ئاشتەوایی و ئارامی لە وڵاتەگە دیرێد، ئەراوە، بایەتە وە خوازین و دەس پوڵایی، وەهاوکاری و هەماهەنگی ناوبەین پێشمەرگە و سوپای عراق و هێزە ئەمنییەیلە، وە پاڵپشتیکردن هاوپەیمان ناودەڵەتی ناوی بگریەێد و یەکجاری لەناو بیریەێد.
