نێچیروان بارزانی لەبان بڕیاڕەگەی پەکەکە: گامیگ وەرەو نواچگن وەگەرد یەک ژیان و سەقامگیریە لە ناوچەگە
شەفەق نیوز/ سەرۆک هەرێم کوردستان، نێچیروان بارزانی، ئمڕوو دووشەممە، پیشوازیکرد لە بڕیارەگی پەکەکە ئەرا خوەیهەڵوەشانن و چەک دانان وە گامیگ دانرێد ئەرا وەگەرد یەک ژیان ئاشتیانە و ئارامی ناوچەگە.
سەرۆک بارزانی لە بەیاننامەیگ رەسیە ئاژانس شەفەق نیوز راگەیان "پیشوازی لە بڕیار PKK ئەرا خوەیهەڵوەشانن و چەکدانان و وەپیری بانگواز عەبدوڵلا ئۆجالان کەیمن وە گامیگ چارەنویسساز زانیمنێ کە لاپەڕەی نوویگ لە ناوچەگە وازکەێد.
وتیش؛ ئێ گامە نیشانەی پێگەیشتنی سیاسييه و ریگە ئەرا دیالۆگیگ راستەقینە وازکەێد کە پێکەوەژیان و سەقامگیری لە تورکیا و سەرتاسەر ناوچەگە قایم کەێد.
بارزانی دووپاتکرد، ئیرنگە وەخت ئاوەسە گشتێ چەویان هالەوەگ ئێ گامە گرنگە وە گامیگ ترەک ئەرێنی و پێویست وەلایەن گشت لایەنەیل پەیوەنیدارەو جواوبدرێد، یە زەمینەیگ دروس و گونجیاگ دروسکەێد بوودە بنەمایگ ئاشتیگ هەمیشەیی و گشتگیر ک کۆتایی وە دەیان ساڵ تونوتیژی و ئازار و مهينهتى تیارێد و ناوچەگە وەرەو ئاسۆی نوو پیشکەفتن بەێد.
سەرۆک هەرێم وتیش، "
رۆڵ سهرۆک ئهردۆغان له پشتگیریکردن و تەقەلایەیلی ئەرا سەرخسن پرۆسەگە بەرز نرخنیمن، دووپاتیش کەیمن هەرێم کوردستان جویر ههميشه پشتگیريی گشت تەقەلایگ ئەرا چارەسەرکردن گیچەڵەیل وە شێوەیگ ئاشتیانە کەێد و هیوادارین دەسپیشخەریەگە بوودە خاڵ وەرچەرخان یەکلایکەر.
بارزانی راگەیان، ئامادەیيی تەواو خوەمان دەربڕین ئەرا وهردهوامی له پێشکەشکردن ههر جویرە دەسمیەتی و هاوكارييگ ئەرا سەرکەفتن ئێ دەرفەتە مێژوویيیە.
