نێچیروان بارزانی سەرەخوەشی وە مردن حەیدەر فەیلی کەێد
2023-05-04T13:54:13+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، پەیامیگ سەرەخوەشی وە مردن حەیدەر فەیلی وەزیر وەرین گواستنەوە و پەیوەندی لە حکومەت هەرێم کوردستان دەرکرد.
بارزانی لە بەیاننامەیگ رەسیە ئاژانس شەفەق نیوز وت: وە خەفتیگ چاو مردن خەباتکار حەیدەر فەیلی ئەندام وەرین نویسینگەی سیاسی لە حزب شیوعی و وەزیر وەرین گواستنەوە و پەیوەندی لە حکومەت هەرێم کوردستان وەپیم رەسی.
وەی مردنە، سەرۆک نێچیروان بارزانی سەرەخوەشی لە خیزان و برادەرەیلی کرد و هاوخەمی خوەی نشان دا.
بارزانی وتیش: حەیدەر فەیلی نموونەیگ بوی ئەرا کەسایەتی پاک و نیشتمانپەروەر و دڵسووز ئەرا کوردستان، و تەمەنیگ لە خەبات ئەرا ئازادی بردە سەر، و وەخاتر ئەوە ساڵەیل درویژیگ لە زیندانی و شکەنجە و بارکردن کیشاد، و هەمیشە خوازیاد فرەترین خزمەت وە گەل و نیشتمانی پیشکەش بکەێد، و خوەی وە خزمەتکاریگ ئەرا مەردم داناوێد.
