نێچیروان بارزانی سەردانەگەی سودانی و عەبدولغەنی ئەرا هەولێر وە "ئەرێنی" وەسف کرد
سەرۆکایەتی هەرێم ئمڕوو لە بەیاننامەیگ راگەیان، نێچیروان بارزانی، ئمڕوو شەوەکی، پیشوازی لە باڵیۆز فەرەنسی ئیزیک شوفالیە کرد، هەردگ لە لە سەردانەگە را و نووڕینەیل خوەیان ئاڵشتکردن ئەرا کۆتا ئەوزەڵکردنەیل پرۆسەی سیاسی عراق، و پەیوەنی بەغداد و هەولێر، تەقەلاگان هەناردەی نەفت هەرێم کوردستان، و پەیوەنی فەڕەنسا وەگەرد عراق و هەرێم کوردستان و رەوشەیل خوەرهەڵات ناوڕاس و کاریگەریەیلی.
وەپای بەیاننامەگە سەرۆک نێچیروان بارزانی باس لە وەردەوامی گفتوگۆەیل ناوەین هەولێر و بەغدا کرد ئەرا چارەسەرکردن گیچەڵەیل ناوەینیان و و کۆتا سەردانەیل سەرۆک وەزیرەیل و وەزیر نەفت عراقی ئەرا هەولێر ئەرێنی بوی، دووپاتکرد ئیدارەی هەرێم کوردستان لەبان بنەمای دەستوور چارەسەر گرفتەیلی وەگەرد حکومەت فیدراڵی کەێد.
لەباوەت قەیرانەیل خوەرهەڵات ناوڕاس، هەردگ لا گفتوگو لە تەقەلاگان کردن ئەرا نواگیری کردن لەزیایبوین و ئاڵۆزبوین رەوشەگە و ئەوزەڵکردنی، دووپاتکردن لەبان گرنگی مقیەتیکردن ئاسایش و ئارامی عراق، هەمیش هاوڕا بوین لەبان ئەوە کە عراق نەووود وە بەشیگ لە ئاڵۆزیەیل، و بیوەیی هێزەیل هاوپەیمانی ناودەوڵەتی و دەسەی دیبلۆماسی و دبلوماتکارەیل لە عراق، وەپای بەیاننامەی سەرۆکایەتیەگە..
لە بەیاننامەگە هاتیە، کۆتا سەردانەگەی سەرۆک نێچیروان بارزانی ئەرا پاریس و گردەوبوینی وەگەرد سەرۆک ماکرۆن، پەیوەنی عراق و هەرێم کوردستان وەگەرد وڵاتەیل هاوسا، و بڕیگ باوەتتر بەرژەوەنی هاوبەش بەشیگتر بوی لە چەو وەپیکەفتنەگە.
