نێچیروان بارزانی سەرخوەشی لە تورکیا کەێد وە قوربانیەیل کانی زوخاڵ

شەفەق نیوز/ نێچیروان بارزانی سەرۆک هەرێم کوردستان، سەرەخوەشی لە حکومەت و گەل تورکیا کرد، وە رویداو تەقیان کانییگ زوخاڵ.

سەرۆک بارزانی لە پۆستیگ لەبان تویتەر نویسان: هویر و نمازم وەرد قوربانیەیل کانی زوخاڵەگە لە تورکیا.

وتیش: گەرمترین سەرەخوەشی لە خانەوادە ودووسەیل قوربانیەیل کەم، و ئومید خوازم زەخمدارەیل لە کریکارەیل کانیەگە وەزوی خاسەو بوون.

دەسەڵاتەیل تورکیا کوشیان ٤٠ کەس لە تەقیان کانییە زوخاڵ لە باکوور وڵاتەگە راگەیانن.

دەسەڵاتەیل دووپات کردن ک هیمان ١٥ وە قویلی سەدان مەتر لەناو کانیەگە لە ناوچەی ئەماسرا لەبان کناراو دەریای سیا گیر هاتنە.

فەخرەدین قوغە وەزیر تەندروسی وت: تیمەیل رزگارکردن توەنستن ١١ کەس درارن.

هیمان دەسەڵاتەیل وەڕەسینە وە هوکار ئی تەقیانە.