نێچیروان بارزانی: ئۆپۆزسیۆن دەسمیەتیدەرە ئەرا حکومەت
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات کرد کە ئۆپۆزسیۆن لە هەر رژیمیگ سیاسی ئەوە نییە کە دەژمنە، بەڵکم شایەت بوودە دەسمیەتیدەر ئەرا حکومەت، و دووپاتیش کرد کە بەشداریکردن فراوان دەنگدەرەیل کورد لە هەڵوژاردن پەرلەمان کوردستان، گشت لایەنەیل سیاسی خەێدە وەردەم تاقیکردن کەورەیگ.
بارزانی لە کۆنگرەیگ ئەرا دامەزراو خوەرهەڵات ناوڕاس ئەرا توێژەرەیل "ميری"، وە ئامادەبوین ئاژانس شەفەق نیوز وت: ئۆپۆزسیۆن لەناو هەر رژیمیگ سیاسی شایەت بوودە دەسمیەتیدەر ئەرا چەودیاریکردن حکومەت و کارەیلی، و ئیمە وەی شیوە نووڕیمنە ئی باوەتە، کە بەشیگ لە حزبەیل رەی وەرەو حکومەت کەن و بەشیگیان رەی وەرەو ئۆپۆزسیۆن کەن، وەلێ یانە دوژمن نیین، بەڵکم هاوماڵیکردن سیاسیە و کاریگ فرە سروشتیە.
وتیش: هامە ئەو باوەڕە کە گشت لایەنەیل سیاسی هانە نوای تاقیکردن فرەیگ کە 72% لە هاوڵاتیەیل کورد لە هەڵوژاردن پەرلەمان هەرێم کوردستان بەشداری کردنە، و یەیش پەیامیگە کە ئویشێد: ئیمە دڵنیایی وە هیزەیل سیاسی پیشکەش کردیمن، و ئیمە بایەسە وەگورەی ئی دەنیاییە بوین.
بارزانی وتیش: باوەڕ دیرم ئی هەڵوژاردنە لە پاکترین هەڵوژاردنە لە هەرێم کوردستان، و ئیرنگە وەخت نیشتن لایەنەیل سیاسی وەیەکەو هات تا حکومەت دروس بکەن.
وتیش؛ وەگورەی ئەو شمارەیلە کە کۆمیسیۆن باڵای هەڵوژاردن ئاشکرا کریاس، حکومەت هاتگ وە هاوپەیمانی دروس کریەێد، و بایەسە وەڕی حزبەیل سیاسی وە دانوسەنین و دروسکردن حکومەت وە زویترین وەخت تەواو بوود، و یەیش کاریگ گرنگە ئەرا ناو هەرێم کوردستان و پایەی هەرێم کوردستان لەلای بەغدادیش.
بارزانی وتیش: هەڵوژاردن پەرلەمان هەرێم کوردستان چوار جار ئەنجام دریا، و وتیان ئەگەر هەڵوژاردن بکریەێد گیچەڵ گەورەیگ بوود، وەلێ لە کۆتایی ئەنجام دریا، و هەڵمەتەگە وەبی کێشە تەواو بوی، کە ئیمە ئەرا دوو ئیدارەیی گلەو نیخوەیمن، بەڵکم بوودە (سفر) ئیدارە.
دووپاتیش کرد کە هەرێم کوردستان وەگورەی ئەو دەستوورە دامەزریا کە زیاتر لە 80% لە گەل عراق دەنگ وەپی دا، و شەرعیەت دادە دامودەزگایل، و باوەڕ دیرم ئی هەڵوژاردنە گرنگترین هەڵوژاردن بوی لە کوردستان لە ساڵ 1992 تا ئیسە، و بایەسە ئیرنگە کار ئەرا پەیاکردن میکانیزمیگ گونجیاگ بکەیمن ئەرا چارەکردن گیچەڵەیل وەرد بەغداد، و ئی کێشەیلە هەنای ماڵ ناوین ڕێک خریەێد ئەوەیش چارەسەر کریەێد.
