نێچیروان بارزانی پرسە سەرەخوەشی وە مردن رەئیسی پیشکەش کەێد
2024-05-20T06:59:43+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، سەرەخوەشی لە ریبەر باڵای ئیران، و گەل ئیران کرد، وە مردن ئیبراهیم رەئیسی سەرۆک کۆمار ئیسلامی، و حسێن ئەمیر عەبدوڵلاهیان وەزیر دەیشت و یاوەرەیلیان، کە لە ئەنجام کەفتن کۆپتەریان باکوور خوەرئاوای وڵاتەگە گیانیان لەدەسدان.
نێچیروان بارزانی لە بەیاننامەیگ رەسیە ئاژانس شەفەق نیوز وت: چاو مردن سەرۆک ئیبراهیم رەئیسی و و حسێن ئەمیر عەبدوڵلاهیان وەزیر دەیشت و شمارەیگ لە یاوەرەیلیان لە رویداو کەفتن هیلیکۆپتەرەگەیان لە ناخەو خەفاتبارمان کرد.
وتیش: لەی وەخت سەختە، گەرمترین سەرەخوەشی لە بەڕێز عەلی خامەنەئی ریبەر کۆمار ئیسلامی کەم و سەرکردایەتی ئیران و حکومەتی و گەل برادەر و هاوسا وەگەرد خیزانەیلیان، داوا لە خودا کەم گیان مردگەیل بخەێدە وەر بەزەیی فراوانی و سەروەری گشتی بەێد.
سەرۆک هەرێم دووپات کرد کە مردن سەرۆک رەئیسی خەفەت و زەرەد گەورەیگە ئەرا کۆمار ئیسلامی و گەل موسوڵمان ئیران و برادەرەیلی، وەلێ ئیمە هایمنە ئەو باوەڕە کە گەل ئازای ئیران و کۆمار ئیسلامی ئی زەرەدە وەپشتسەرنەن.
