نێچیروان بارزانی ئەرا باڵیۆز بەریتانیا دووپات لە گرنگی دویرخستن عراق لە ئاڵووزیەیل ناوچەگە کەێد
![نێچیروان بارزانی ئەرا باڵیۆز بەریتانیا دووپات لە گرنگی دویرخستن عراق لە ئاڵووزیەیل ناوچەگە کەێد](https://media.shafaq.com/media/arcella/1708923658375.jpeg)
ئەوەیش لە گردەوبوین نێچیروان بارزانی وەگەرد ستیڤن هیتشن باڵیۆز بەریتانیا لەلای عراق لە شار هەولێر پایتەخت هەرێم کوردستان، وەگورەی بەیاننامەیگ رەسیە ئاژانس شەفەق نیوز.
هەردوگ لایەنەگە لە دیدارەگە باس را و نووڕین خوەیان لەبان رەوشەیل عراق و هەرێم کوردستان، و پەیوەندیەیل هەولێر و بەغداد، و هەڵوژاردن پەرلەمان کوردستان، و دویاترین گەشەیل ناوچەگە، و کاریگەرییەیل جەنگ لە غەزە کردن.
هەردوگ لایەن رێککەفتن لەبان گرنگی مقیەتیکردن ئاسایش و ئارامی عراق و هەرێم کوردستان، و دووپات لەبان گرنگی ئەوە کردن کە عراق دەسپاچە نەکریەێد و لە ئاڵووزیەیل ناوچەگە دویرەو بخریەێد.
گەشەداین وە پەیوەندیەیل بەریتانیا وەگەرد عراق و هەرێم کوردستان، تەوەریگ ترەک بوی لەناو دیدارەگە.