نێچیروان بارزانی دووپات لەبان گرنگی وەڕێوەبردن بانگەشەی هەڵوژاردن وە شیوەیگ ئاشتیانە کەێد
شەفەق نیوز/ شەوەکی ئمڕوو یەکشەممە، نێچیروان بارزانی سەرۆک هەرێم کوردستان، وەگەرد پارێزگار دهۆک عەلی تەتەر، و سەرۆک یەکە ئیدارییەیل پارێزگاگە گردەو بوی.
لە بەیاننامەیەگ کە لەلایەن سەرۆکایەتی هەرێمەو بڵاو کریا، باس ئەوە کریا کە لە گردەوبوینەگە باس لە رەوشەیل گشتی پارێزگای دهۆک و ناوچە خزمەتگوزارییە گشتیەیل کریا، لە ناوچە جیاجیایل پارێزگاگەر و رووشنایی خریا بان خوازینەیل پارێزگاگە و ناحيەیلی، و ئەو گیچەڵەیلە وەردەم وەڕێوەبەرایەتیەیل کەفتنە، و چوینیەتی چارەسەرکردنیان.
پارێزگار و سەرۆک یەکە ئیداریەیل باس بەرنامە و ئەجێندا و پڕۆژەیل لە بوارە جیاجیایل کردن، و دیدگایان ئەرا چوینیەتی بەرزکردن ئاست خزمەتگوزارییەیل پیشکەش کردن.
ئامادەکارییەیل ئەرا هەڵوژاردن پەرلەمان کوردستان تەوەریگ ترەک لەناو دیدارەگە بوی، نێچیروان بارزانی سەرۆک هەرێمی کوردستان دووپات لە گرنگی وەڕێوەبردن بانگەشەی هەڵوژاردن وەشیوەیگ ئاشتیانە و پەیڕەوکردن رینماییەیل لایەنە پەیوەندیدارەیل کرد.
لەکۆتایی دیدارەگە سەرۆک هەرێم دەسخوەشی لە تەقەلایل پارێزگار و سەرۆک یەکە ئیداریەیل کرد ئەرا ئەو خزمەتەیلە وە هاوڵاتیەیل و هەرێم پیشکەش کەن.
دویەکە پڵنجشەممە، کۆمسیۆن هەڵوژاردن هەرێم کوردستان کە سەر وە کۆمسیۆنی باڵای سەروەخوەی هەڵوژاردن عراقە، پەنجەمین سیمولاسیۆنی هەڵوژاردن پەرلەمان هەرێم ئەنجامدا کە بڕیارە مانگ ئایندە ئەنجام بیریەێد.
مانگ حوزەیران گوزەشتە، نێچیروان بارزانی، سەرۆک هەرێم کوردستان، فەرمانیگ هەرێمی دەرکرد، رووژ 20 تشرین یەکەمی 2024 جویر مەوقەی ئەنجامدان هەڵوژاردن پەرلەمان کوردستان دیاریکرد.
