نێچیروان بارزانی دووپات لە ئارەزوو کوردستان ئەرا فراوانکردن پەیوەندییەیل وەرد هۆڵەندا کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیشوازی لە ئەدریان ئەیسلستين کرد، وەبوونەی دەسکردن وە ئەرکەیل فەرمیی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی پیشوازی لە قونسوڵ نوو کرد، و پیرووزبایی ئەرا وەرگردن ئەرکەیلی کرد، و دووپات کرد لە پاڵپشتیکردن تەواو حکومت هەرێم کوردستان ئەرا سەرکەفتن کاری.
هەمیش دووپات لەبان گرنگی گەشەپیدان پەیوەندییەیل ناوەین هەرێم کوردستان و هۆڵەندا کرد، و باس ئارەزوو هەرێم کوردستان کرد ئەرا بەرزکردن هاوکاری لە جویراجویر چینەیل وەشیوەیگ خزمەت بەرژەوەنیەیل دوو لایەن بکەێد.
لەلای خوەییش؛ قونسوڵ هۆڵەندی سوپاس خوەی ئەرا گەرمی پیشوازیکردن پیشکەش کرد، و دووپات لە نووڕین وڵاتی ئەرا فراوانکردن هاوکاری وەرد هەرێم کوردستان کرد.
ئەيسلستين وت؛ هۆڵەندا تەقەلا دەێد هاوبەشی لە چینەیل گرنگ لەلای هەردوگ لایەن قایم بکەێد، و باس ئومید خوەی کرد کە پیشکەفتن وەرچەویگ لەماوەی کاری لە هەرێم کوردستان وەدەس باێد.
لە دیدارەگە باس باوەتەیل گرنگ لەلای هەردوگ لایەن کریار لەلییان رەوشەیل سیاسی و ئابووری لە عراق و هەرێم کوردستان، وەگەرد دویاترین گەشەیل هەرێمی.
