نێچیروان بارزانی دووپاتکەێد لەبان پتەوکردن پەیوەنیەیل وەرد فەرەنسا
لە بەیاننامەگەی سەرۆکایەتی هەرێم کوردستان کە رەسیە ئاژانس شەفەق نیوز هاتیە، بارزانی دەسوەخشی لە بالیۆز فەرەنسا لە عراق ئێریک شوڤالییە کرد، ئەرا کار و تەقەلاگانی لە پتەوکردن پەیوەنی وڵاتەگەی وەرد عراق و هەرێم کوردستان، لە دیدار ماڵئاوایەگەی وە بوونەی کۆتایهاتن ئەرکەگەی لە عراق هیوای سەرکەفتن نوویگ ئەرای خوازی لە ئەرکە نووەگەی.
هەردوگلا دووپاتکردن لە خواست هەردوگلا لە پتەوکردن پەیوەنی و هاوڕیەتی فەڕەنسا وەرد عراق و هەرێم کوردستان، هەمیش رووشنایی خریارە بان پەیوەنیەیل ناوەین هەولێر و بەغدا و وەردەوامی گفتوگوکردن ئەرا چارەسەرکردن گیچەڵەیل ناوەینیان.
بالیۆز فەرەنسايش سوپاس و وەپیزانین خوەی نیشاندا ئەرا دەسمیەتی هەرێم کوردستان ئەرا سەرفتی بوین ئەرکەگەی لە عراق و هەرێم کوردستان و هیوا خوازی هاوکاریەگەیان وەردەوام بوود وەرد بالیۆز نوو فەرەنسا لە عراق.
لای خوەیيش بالیۆز گشتی فەرەنسا لە هەرێم کوردستان ئامادەبوی، باس لە بارودۆخ ناوخوەیی کرد لە هەرێم و ئەنجام هەڵوژاردنەیل ئەنجومەن پارێزگایەیل عراق و ناوچەیل مادەی 140 و دویا ئەوزەڵکردنەیل خوەرهەڵات ناوڕاس و ناوچەگە وە گشتی.
