نێچیروان بارزانی داوا لە سەرۆک عراق کەێد وە زویترین وەخت چارەی گیچەڵ (ساکو) بکەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس کیشانەوەی مەرسووم کۆماری تایبەت وە کلیسای کلدانی کریا، ک نێچیروان بارزانی دووپات کرد ک عراق و هەرێم کوردستان بایەسە جویر چەتریگ لەبان گشت پیکاتەیل ئاینی و نەتەوەیی بمینن، و داوا لە عەبدولەتیف رەشید سەرۆک کۆمار کرد وەزویترین وەخت چارەسەر ئی گیچەڵە بکەێد.
بارزانی جەخت کرد ک وەیەکەوژیان و ئەوەکە قەبوولکردن هاناو ئەوە ک نیشتمانیگ ئەرا گشت پیکاتەیل بوود، و ماف گشتی لەناوی مقیەتی کریایە.
لەلای خوەییش؛ کاردیناڵ سوپاس لە نێچیروان بارزانی سەرۆک هەرێم کوردستان کرد ئەرا پشتگیریکردنی، و دووپات کرد ک هەرێم کوردستان شوینیگە ئەرا وەیەکەوژیان و ئەوەکە قەبوولکردن و شانازی وەپیەو کەن.
وتیش؛ ئی گیچەڵە قەت ریگری لە کار و ئەرکەیلی نیەکەێد و هەر وەردەوامە لە مقیەتیکردن پیکاتەیل عراق و وەیەکەوژیان.
رەوشەیل لە نەینەوا و چەن باوەتیگ لە رەوش کلیسایل و مەسیحیەیل وەشیوەی گشتی باسەیل ناو ئەو دیدارە بوین ک وەزیر ئەوقاف و کاروبار ئاینی لە حکومەت هەرێم کوردستان ئامادەی بوی.
