نێچیروان بارزانی: تەنیا چارەسەر ئەرا باوەتەیل گیرهاتگ ناوەین هەولێر و بەغداد جیوەجیکردن دەستوورە
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، لە چەوپیکەفتنی وەرد سەرۆک نوو شاند نەتەوە یەکگرتگەیل ئەرا دەسمیەتی عراق (یونانی) دووپات کرد ک تەنیا چارەسەری ئەرا باوەتەیل گیرهاتگ ناوەین هەولێر و بەغدا جیوەجیکردن تەواوەتی دەستوورە.
نویسنگەی راگەیانن سەرۆکایەتی هەرێم کوردستان، لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، نیمەڕو ئمڕوو، پیشوازی لە محمد ئەلحەسان، نوینەر تایبەت ئەمیندار گشتی نەتەوە یەکگرتگەیل لە عراق و سەرۆک نوو شاند نەتەوە یەکگرتگەیل لە عراق (یونامی) کرد.
وتیش: لە دیدارەگە، سەرۆک بارزانی پیرووزبایی لە ئەلحەسان کرد و دووپات لە پاڵپشتیکردن هەرێم کوردستان ئەرا سەرکەفتن ئەرک شاند نەتەوە یەکگرتگەیل ئەرا دەسمیەتی عراق کرد.
دیاری کرد کە کە ئەلحەسان باس خوەشاڵیی وە سەروان هەرێم کوردستان کرد، و سوپاس لە سەرۆک نێچیروان بارزانی و لایەنەیل پەیوەندیدار لە هەرێم کوردستان کرد ئەرا هاوکارییان وەرد تیم نەتەوە یەکگرتگەیل لە عراق.
وتیش: هەردوگ لایەن باس هەڵوژاردن پەرلەمان کوردستان و پەیوەندییەیل ناوەین هەولێر و بەغدا و رەوشەیل پیکاتەیل و وەتایبەت ئێزدیەیل کردن، و لەی باوەتە نێچیروان بارزانی سوپاس لە نەتەوە یەکگرتگەیل کرد ئەرا دەسمیەتیدان کۆمیسیۆن هەڵوژاردن.
لە باوەتەیل گیرهاتگ ناوەین هەولێر و بەغدا، نێچیروان بارزانی سەرۆک هەرێم کوردستان دووپات کرد کە تەنیا چارەسەریگ خوەی جیوەجیکردن دەستوورە وەشیوەی تەواوەتی، و مقیەتیکردن ئاشتی و ئارامی لە عراق، وەگەرد خاسەوکردن رەوشەیل ئێزدیەیل و گلەوداین ئاشتی و ئارامی لە ناوچەیلیان، و گلەوخواردن ئاوارەیل ئەرا ناوچەیل خوەیان وە کاریگ گرنگ دانان.
