نێچیروان بارزانی بەشداری لە کۆڕبەند دیالۆگ تەهران کەێد (وینە)

شەفەق نيوز/ شەوەکی ئمڕوو یەکشەممە، لە پایتەخت ئیران، دەسکریا وە"کۆڕبەند دیالۆگ تەهران" وە بەشداریکردن مەسعود پزیشکیان سەرۆک ئیران، و عەباس عراقچی وەزیر دەیشت.

کارەیل کۆڕبەندەگە وە ئامادەبوین نێچیروان بارزانی سەرۆک هەرێم کوردستان و وەرپرس و نوێنەرەیل لە 53 دەوڵەت عەرەبی و بیگانە دەسوەپی کرد.

بڕیارە سەرۆک هەرێم کوردستان لەناو یەکیگ لە دانیشتنەیل کۆڕبەندەگە وتاریگ پیشکەش بکەێد، کە ئی کۆڕبەندە دیارترین سەکوو دیبلۆماسیە ئەرا دیالۆگ ناودەوڵەتی کە ساڵانە ئیران ڕێکی خەێد، وەگورەی ئاژانس فەرمی ئیران "تەسنيم".

سەرۆک نێچیروان بارزانی لە وتارەگەی باس نووڕین هەرێم کوردستان ئەرا بانانیگ رووشنتر لە ناوچەگە کەێد، دووپاتیش لە گرنگی هاوبەشی کرد لەبان رێزگردن وەرانەوری و بەرژەوەندیەیل هاوبەش.

 راپۆرتەگە وتیش: بەشداریکردن سەرۆک هەرێم کوردستان هەمیش ئەرا مقیەتیکردن ئاشتی و پتەوکردن ئارامی و ئەوزەڵکردن و گەشەپیدان ئابووری و وەیەکەوژیان ئاشتەوایی تیەێد.

کۆڕیەند ئمساڵ وە ناونیشان "کارایی هەرێمی لە سیستەمیگ ئاڵشتبوی جەهانی" وەڕیەو چوود، و لە ماوەی دوو رووژ (18 و19 ئايار/مايۆ)، لە ناوەند تۆێژینەوەیل سیاسی و ناودەوڵەتی سەروە وەزارەت دەیشت ئیران لە تەهران ئەنجام دریەێد، وە سەرۆکایەتی وەزیر دەیشت ئیران، و وە بەشداریکردن نزیکەی 200 کەسایەتی لە 53 دەوڵەت، لەناویان وەزیرەیل دەیشت و کلکریاگەیل تایبەت، و دیبلۆماسیەیل، و خاوەن بڕیارەیل، و پسپۆڕەیل ناودەوڵەتی.