نێچیروان بارزانی باس پاڵپشتی دەرەکی گەورایگ ئەرا چارەسەری ناکۆکیەیل هەولێر و بەغداد کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، باس کرد ک پاڵپشتی گەورایگ ئەرا هەولێر و بەغداد کرد وەخاتر چارەسەرکردن ناکۆکیەیل و باوەتە گیرهاتگەیل ناوبەینیان هەس، و جەخت لە گرنگی ئەنجامدان ئارامی سیاسی لە وڵاتەگە کرد ئەرا لەناوبردن ریخریاگ داعش لە ناوچە دابڕیایەیلە.
سەرۆک بارزانی لە وتاریگ لەناو کۆنگرەی (یەکێتی و دەستوور) لە هەولێر وت: وە قۆناغ ناسکیگ رەد بویمن ک خوەی قۆناغ هەڵبژاردن عراقیە، و گشت لایەنەیل تەقەلای دووارە رێکخستن خوەیان دەن، وتیش؛ وەی ناکۆکیەیلە بیگومان توانای رەدبوین لەی قۆناغە نەیریمن، وەلێ ئەگەر بویمنە یەکیگ توێنیمن لەبان گشت گرفتەیلمان لە بەغداد سەربکەفیمن.
دەربارەی ناکۆکیەیل ناوبەین هەولێر و بەغداد، بارزانی وت: پاڵپشتی سیاسی گەورەیگ ئەرا بەغداد و هەرێم هەس، و هەمیش پاڵپشتی دەرەکی وەرەو چارەسەرکردن گرفتەیلمان وەرد عراق لە چوارچێوەی دەستوور، ئەراوە ئیمە لە تەقەلایلمان وەردەوام بویمن.
سەرۆک هەرێم دووپات کرد ک شاند یونامی لە عراق تا ئیسە دەور خاسیگ رانیە، و منیش لە پەیامیگ ئەرا نەتەوە یەکگرتگەیل جوی هەرێم کوردستان داوای زیایکردن دەور شاندەگەی ئەرا چارەسەرکردن ناکۆکیەیل ناوبەین بەغداد و هەولێر، ک ئارامی سیاسی وڵاتەکە لەلی خوازیمن، ک وەبی چارەسەرکردن ناکۆکیەیل هیچ ئارامیبگ سیاسی نێەوود.
سەرۆک بارزانی وتیش؛ ریخریاگ داعش لە ناوچە دابڕیایەکان فرە گورجە، و ئەگەر بخوازیمن لەناوی بیەیمنەبایەۆە ئارامی سیاسی لە وڵاتەگە بوود.
