نێچیروان بارزانی پاڵپشتی خوەی دووپاتکرد ئەرا گشت ماف وداواکاریە رەواگان ماموسایەیل کوردستان
![نێچیروان بارزانی پاڵپشتی خوەی دووپاتکرد ئەرا گشت ماف وداواکاریە رەواگان ماموسایەیل کوردستان](https://media.shafaq.com/media/arcella/1715757916190.jpg)
سەرۆک نێچیروان بارزانی وەی بوونەو لە بەیاننامەیگ راگەیان، لە یاد شەست ودووساڵەی دامەزراندنی پیرۆزبایی گەرمیگ ئاراستەی نویسینگەی سکێرتاریەت یەکێتی مامۆستایەیل کوردستان و گشت ماموسایەیل کوردستان کەم، هیوای سەرکەفتن و وەردەوامی ئەرایان خوازم، وە رێز و پێزانین تەقەلا و شەکەتیان پەیام پیرۆزیان لە پەروەردە و رەسانن نەوەیل دوینیمن.
وتیش "ماموسایەیل لە توێژەیل هەرە گرنگەیل و بنەمای پیشکەفتن کۆمەڵگەن، پشگیری لە گشت ماف وداواکاری رەواگانان کەم و شایەن ژیان و گوزەران خاس و ئارام و ئاسوودەن، رول ماموسایەیل لە سەردەم شۆرش و لە ئازادی، هەمیش دڵسوزی و بەرگەگردن لە رووژگارە سەختەیل تا پرۆسەی خوەنستن نەوسێد هەرگیز لە هویرەو نیەکەیمن.
سەرۆک هەرێم کوردستان وتیش: لەی یادە وە رێزەو گشت ئەو مامووسا ئازیزەیلە وەهویر تیاریمن کە لە پێناو ئازادی گەل خەباتکردن و گیان وەخشین.