نێچیروان بارزانی ئاگادار واشینتۆن کەێد لە نووڕینی ئەرا چارەکردن ریشەیی ناکۆکیەیل ناویەن بەغداد و هەولێر
ئەوەیش لە پیشوازیکردن سەرۆک هەرێم کوردستان لە شاندیگ ئەمریکی وە سەرۆکایەتی ڤیکتۆریا تایلۆر خانمە یاوەر وەزیر دەیشت ئەمریکا هات لە هەولێر پایتەخت.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەناو دیدارەگە باس دویاترین نووەوبویەیل رەوش سیاسی و ئەمنی لە عراق و هەرێم کوردستان کریا، و میکانزمەیل چارەکردن گرفتەیل ناوەین هەولێر و بەغدا.
بارزانی لەناو دیدارەگە دووپات کرد کە چارەکردن ریشەیی گرفتەیل عراق وەگشتی، و سەقامگیری وڵاتەگە لەڕوی سیاسی و ئابووری، ها چەسپانن سیستەم فیدڕاڵی، کە شاندە ئەمریکیەگە هاوڕای بوین.
لەلای خوەییش، شاند ئەمریکا پاڵپشتیکردن ئەمریکا ئەرا عراق ت هەرێم کوردستان نووەو کرد، لە گشت گرفتەیل سیاسی وەتایبەت لە چارەکردن گرفتەیل سیاسی و ئابووری ناوەین هەردوگ لایەنەگە.
قایمکردن پەیوەندیەیل ناوەین ئەمریکا و عراق و هەرێم کوردستان، و باوەتەیلیگ ترەک کە لەلای هەردوگ لایەنەگە گرنگە، باسەیل ناو ئەو دیدارە بوین.
