نێچیروان بارزانی: ئامادەین گرفتەیلە وەرد پەکەکە وە گفتوگۆ چارەسەر بکەیمن
شەفەق نیوز/ نێچیروان بارزانی جیگر سەرۆک پارت دیموکرات کوردستان، ئمڕوو یەکشەممە، ئامادەبۊین ئەرا چارەسەری گرفتەیلە وەگەرد پەکەکە ک هالە بان زەۊی هەرێم کوردستان وە گفتوگۆ نشان دا.
بارزانی لە وتاریگ لە فیستیڤاڵی هەڵبژاردن لە شار دهۆک وت: جەنگ داعش و بڕین بوودجەی هەرێم لەلایەن حکومەت فیدراڵی خ و هاتن دوو مەلیۆن ئاوارە لە سوریا و ناوچەیل عراق بۊینە هووکاریگ ئەرا وسیان ئاوەدانکردنەوە و بیناکردن، وتیش: وەلێ ئەوە نییە ک کاروان گەشەکردن لە هەرێم تا سەر وسیاگە، باوجی وەردەوامە، و ئیمە گەشبینی وە دۊیارووژیگ خاستر ئەرا کوردستان دیریمن.
وتیش؛ لە گرفتە سەرکیەیلە ک کەفنە نوای هەرێم کوردستان، هەسی پەکەکە لەبان خاکیە، و دووپات کرد ک ئی حزب ئۆپۆزسیۆنە ئەرا ڕژیم ئەنقەرە ریگری لە ئاوەدانکردنەوە و بیناکردن لە ناوچەیل سنووری کوردستان کەێد.
بارزانی سەرۆک هەرێم کوردستان وت: داوا لە پەکەکە کردیمن لە زەۊی هەرێم دەرچن، وتیش: ئامادەیمن ئەرا چارەسەرکردن گرفتەیلە وەڕی گفتوگۆکردن وەگەرد ئی حزبە.
