نێچيروان بارزانى پيرۆزبايى سه‌رساڵ ئێزيدى ئه‌كاو قه‌وڵ سێ چشت دا
شه‌فه‌ق نيوز/ نێچيروان بارزانى سه‌رۆك هه‌رێم كوردستان، پيروزبايى له ئێزيديه‌يل كرد وه بوونه‌ى هاتن سه‌رساڵ ئايينى ئێزيى و قه‌وڵ ئه‌وه‌يشدا وه‌رده‌وامى بدريه‌ێده گه‌ردين له‌شوون ژنه‌يل رفياى و كاركردن له‌بان ئه‌وه‌گ ه‌نگاڵ بكريه‌ێده پاريزگا و ئاوه‌دانى له ناوچه‌يل كورد ئێزيدى ئه‌نجام بدريه‌ێد.
بارزانى له به‌ياننامه‌يگ ئه‌را شه‌فه‌ق نيوز وت: جه‌ژن سه‌رساڵ ئێزيديه‌يل له خوه‌يشك و برايه‌يل ئێزدى له كوردستان و گشت جه‌هان پيروز ئه‌كه‌يم و وه‌تايبه‌ت له كه‌سوكار قوربانيه‌يل تيرۆر ك هيمان نيشه‌جى كه‌مپه‌يلن.
جى باسه، بارزانى هه‌ميش وت: ئاره‌زوو ئه‌كه‌يم جه‌ژن و بوونه‌يل ئاينده‌مان له‌ساى بارودوخيگ خاستر ئه‌نجام بگرێد، چوينكه هاتنه‌وه‌ى جه‌ژن له ئمساڵ له وه‌ختيگ بوى كوردستانيش جوور باقى وڵاته‌يل تر جه‌هان كه‌فته ژير كاريگه‌رى سه‌خت ڤايرۆس كۆرۆنا و هيمان تائيسه‌يش چاره‌نويس هه‌زاران له براو خوه‌يشكه‌يل ئێزيدى نادياره ك قوربانى ده‌س تيرۆرن.
