نێچيروان بارزانى تاوان دژ وه خوهينيشاندهرهيل عراقى شهرمهزار كرد
![نێچيروان بارزانى تاوان دژ وه خوهينيشاندهرهيل عراقى شهرمهزار كرد](https://media.shafaq.com/media/emmipidx/nb-condolence.jpeg)
شهفهق نيوز/ نێچيروان بارزانى سهرۆك ههرێم كوردستان, وهكارهاوردن تون و تيژى دژ وه خوهنيشاندهرهيل له عراق، شهرمهزار كرد.
بارزانى له بهياننامهيگ وت: وهردهوامى وهكارهاوردن تون و تيژى دژ خوهينيشاندهرهيل له عراق شهرمهوار ئهكهيم، خوهينيشانداينهيل ئاشتيانهى مهدهنى مافيگ رى وهپيدرياێ دهستووريهو كوشتن خوهينيشاندهرهيل و وهكارهاوردن هيز ئهرا رخهوبردن و چويچاننيان تاوانيگ ئاوڕويبهر و سهركوتكردن ئازاديهو مافهيل دهستوورێ هاووڵاتيهيله.
بارزانى ههميش وت: ئيمه لهوهختيگ داواى وساننهوهى تون و تيژى و ئى رهفتارهيل ناڕهوا و ناياساييه ئهكهيم، جاريگتر پشتگيرى له خواست رهواى خوهينيشاندهرهيل ئهكهيم له دهسهوهركردن خيزمهتگوزارى و خوهشگوزهرى و ژيانيگ خاستر ك شايستهى مللهت عراقى بدێ.
جى باسه، بارزانى ههميش وت: بايهسه لهبان گشتلايگ له كيشهو داواكاريهيل هاووڵايهيل بڕهسنهوهو سهركوتكردنى وه وهكارهاوردن هيز چارهسهر نيهو داوايش ئهكهيم مهسهلهى دامهزرانن كابينهى تازهيش وه زويترين وهخت تهواو بكريهێد.