نێچیروان بارزانی وەگەرد شاندیگ پەرلەمانی ئەڵمانی باس دانوسەنین هەولێر و بەغدا کەێد
2023-02-19T10:13:23+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، وەگەرد شاندیگ لە پەرلەمان ئەڵمانیا لە حزب spd گردەو بوی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەناو ئەو گردەوبوینە ک ئیدان ئوزوکوز خانمە جیگر سەرۆک پەرلەمان ئەڵمانیا ئامادەی بوی باس رەوش ناوخوەیی لە هەرێم کوردستان، و پەیوەندیەیل ناوبەین هەولێر و بەغدا و دانوسەنین ناوبەینیان ئەرا چارەکردن گرفتەیل کریا، وەگەرد رەوش ئێزیدەیل و ناوچەی شنگال.
هەردوگ لایەنەگە لەبان گرنگی چارەکردن گرفتەیل ناوبەین هەولێر و بەغدا کردن و یەکێتی و چارەکردن گرفتەیل ناوبەین لایەنە سیاسیەیل لە هەرێم کوردستان هاوڕا بوین.
نێچیروان بارزانی لەناو دیدارەگە دووپات لە سوپاس هەرێم کوردستان لە پەرلەمان ئەڵمانیا کرد لەبان ناسانن تاوانەیل دژوە ئێزیدیەیل جویر تاوان جینۆساید.
بەیاننامەگە وتیش: رەوشەیل لەناو عراق و دویاتریان نووەوبویەیل ناوچەگە وەگشتی باس ناو ئەو دیدارە بوین.
