نويسينگه‌ی عبادی جه‌خت له‌بان چه‌وديری دوسيه‌ی كورده‌يل فه‌يلی كرد

له‌لايه‌ن خوه‌ييشه‌و، حه‌يده‌ر هوشام فه‌يلی كارنامه‌يگ ك پيكهاتوێد له‌ چه‌ن خاڵيگ پيشكه‌ش كرد له‌باوه‌ت پيكهاته‌ی كورده‌يل فه‌يلی و له‌وانه‌يش دامه‌زرانن ليژنه‌يگ ئه‌را چه‌وديری جيوه‌جيكردن بڕيار ٤٢٦ ساڵ ٢٠١٠ تايبه‌ت وه‌ قه‌وڵه‌يل حكومه‌ت عراقی ئه‌را مه‌سه‌له‌ی لاوردن شوونه‌وار خراو له‌بان كورده‌يل فه‌يلی جوور لناوبردن وه‌جه‌م ك هاته‌ تويشيه‌و له‌وه‌خت رژيم به‌عس رمياگ.

جی باسه‌، عه‌لی ئه‌لعه‌لاقيش بڕيار دانيشتن گورجيگ دا وه‌ل لايه‌نه‌يل په‌يوه‌نديدار ئه‌را له‌يه‌كه‌وداين ئه‌و كارتنامه‌و باوه‌ته‌يل تايبه‌ت و په‌يوه‌س وه‌ كورده‌يل فه‌يلی و پيشكه‌شكردن ئاكامه‌يليگ ئه‌را حه‌يده‌ر عبادی سه‌رۆك وه‌زيره‌يل وه‌خاتر له‌وه‌رگرتن ڕی وشوون خواست له‌ی باوه‌ته‌و.