نه‌خوه‌شيه‌يل دڵ هووكار سه‌ره‌كى حاڵه‌ته‌يل مردن بويه له هه‌ولێر
له‌ى باوه‌ته‌و، دكتۆر سامان حسێن به‌رزنجى وه‌ڕيه‌وبه‌ر ده‌زگاى ته‌ندروسى هه‌ولێر له كۆنگره‌يگ رووژنامه‌گه‌رى ك(شه‌فه‌ق نيوز)ئاگادارى بوى، باس له‌وه كرد ك ده‌زگاگه‌ى 19 هه‌زار كارمه‌ند و وه‌زيفه‌كار تر ئه‌گرێده خوه‌ى وه ناونيشانه‌يل جياجيا و ته‌نيا 15 هه‌زار له‌ليان ده‌وام كرده‌وه‌يى ئه‌كه‌ن، چوينكه بريگ له‌ليان موڵه‌ت خوه‌نين وه‌رگرتنه‌و بڕيگيش له‌ليان موڵه‌ت دايگايه‌تى و بڕيگيش گه‌شت كردنه وه‌ره‌و ده‌يشت هه‌رێم و ئاماژه وه‌يه‌يش كرد ك ساڵ گوزه‌يشت نزيكه‌ى چوار مليۆن و نيم له هاووڵاتيه‌يل سه‌ردان ده‌زگايه‌يل ته‌ندروسى كردنه و له‌وانه‌يش نه‌شته‌رگه‌ى ئه‌را 89 هه‌زار نه‌خوه‌ش كرياگه.
جى باسه، به‌رزنجى باس له‌وه‌يش كرد ك فيشترين هووكاره‌يل سه‌ردان ده‌زگايه‌يل ته‌ندروسى له ساڵ گوزه‌يشت وه بوونه‌ى نه‌خوه‌شيه‌يل هه‌ناسه‌دان و دڵ و ته‌نگه‌نه‌فه‌سى بويه، يه‌يش بيجگه نه‌خوه‌شه‌يه‌ل تر.
