کۆنفرانسیگ لە هەولێر لەباوەت دەسدرویژی سێکسی مەوقەی جەنگ...وینە
2023-06-19T10:23:55+00:00
شەفەق نیوز/ لە هەولێر پایتەخت هەرێم کوردستان، ئمڕوو دووشەممە، کۆنفرانسیگ رێکخریا وەبوونەی رووژ جەهانی رویوەروی بوینەوەی تونوتیژی سێکسی لەمەوقەی مەرافەیل.
ئەمیندار گشتی ئەنجومەن باڵای ژنەیل هەرێم کوردستان خانزاد ئەحمەد وە ئاژانس شەفەق نیوز وت " گرنگی ئی کۆنفرانسە لەوەس هوشیار حکومەت و دەزگا تایبەتەیل کەێد لەبان پرس تونوتیژی سێکسی و ئەو راسپاردەیلە ک لە کۆنفرانسەگە دریەێد و گرنگەو بوود لەبان زەمینەی راستەقینە جیوەجی بکریەد"
پەیامنێر ئاژانس شەفەق نیوز وتیش؛ شمارەی فرەیگ لەو لایەنەیلە پەیوەنی وە پرس ئێزیدی دیرن بەشداربوینە وەگەرد پێکهاتەیلترەک هەمیش شمارەیگ دانشتین گفتوگوکردن ئەنجامدریا لەباوەت ئی پرسە.
