ئەندامیگ پێشمەرگە بڕ 9 ملیۆن دینار گلەودەێد کە وە هەڵە زیای هاتیەسە بان مووچەگەی
2023-11-06T15:51:42+00:00
شەفەق نیوز/ وەزارەت پێشمەرگە لە حکومەت هەرێم کوردستان، ئمڕوو دووشەممە، راگەیان ئەندامیگ لە هێزەیل پێشمەرگە مەوقەی وەرگردن مووچەگەی دوینێد چەن ملیۆن دیناریگ زیاترە، دیاریکرد ئەو کەسە بڕە پویلە زیایەگە ئەرا ئەو بانک گلەودایە کە مووچە لەلی وەرگردیە.
لە بەیاننامەیگ وەزارەتەگە رەسیە ئاژانس شەفەق نیوز هاتییە، " پێشمەرگەیگ لە وەڕێوەبەرایەتی هەماهەنگی و پەیوەنیەیل جیگیر ئەفسەر پشدەر مەغدید حەمەد مەوقەی وەرگردن مووچەگەی لە یەکیگ لە بانکەیل حکومەت هەرێم کوردستان 9 ملیۆن دینار زیاتر وەرگردیە دەسوەجی ئەو بڕە زیایە ئەرا ئەو بانکە کلکردیە کە لەلی وەریگردیە".
دیاریکرد، " پێشمەرگەر هەمیشە قوربانی دەێد لە پێناو خاک و ئازادی گەل هەمیشە لە سیفەتەیل دەسپاکی و نیشتیمانپەروەری بەهرەمەنە".
