گەنجیگ لە هەولێر خوەشی خیزانيگ کەێدە باوگەڕوو (وێنە)
شەفەق نیوز/ فازڵ حاجی قسەکەر وەناو پۆلیس هاتووچو لە پارێزگای هەولێر، ئمڕوو شەممە، خەوەردا ک گەنجیگ بویە هووکار کوشیان پیاویگ وەرد ژنەگەی وە رووداویگ هاتووچو دڵتەزنیگ لەمەوقەی بەشەوکردن کارتەیل مکیس ئەرا سویر کوڕیان.
حاجی لە بەیاننامەیگ ئمڕوو وت: ئیوارەی دوێەکە لە نزیک جادەی ١٢٠ مەتری لەلای بینایل شوقەیل جهانی رووداویگ هاتووچو بوی، ئەوەیش هەنای گەنجیگ ماشینیگ نیشان وە هەڵەپەڵەی فرەیگ رانێد، و لە خود وەختەگە هووشی بەلای ریەگە نەوی، تا بەێدە ماشینیگ مارکەی شیڤرۆلێت چاو و ژن گەورە تەمەنیگ لەناوی بوین.
و دیاری کرد ک رانندەی ماشین شیڤرۆلێتەگەیش ماشینەگە لەدەسی دەرچگ و داگە تەیمانەی کنار جادەگە، وتیش؛ وەداخەو ک پیاو و ژنە پیرەیل گیانیان لەدەسدان هەنای داشتن کارتەیل مکیس ئەرا سویر کوڕیان بەشەو کردیان، بیجگە ئەو زەرەدەیلە ک گەنجەگە رەسانەی پیان.
حاجی وتیش؛ هەنای پرسیار گەنجەگە لە رووداوەگە کریا، هیچ قسەیگ نەیاشت، تەنیا وت: سەرم بەرزەو کردم نووڕستم ماشینیگ شیڤرۆلێت نزیکمە، و دامە لی.
