گەنجیگ شەش ئەندام خێزانەگەی و خوەیشی کوشێد لە سلێمانی

شەفەق نیوز/ سەرچەوەیگ ناوخوەیی، ئمڕوو پەنجشەممە، خەوەردا لە کوشیان شەش ئەندام خێزانیگ وە گولە ناو ماڵ خوەیان لە ئاوای گریزە سەر وە قەزای سەیدسادق لە سلێمانی.

سەرچەوەگە وە ئاژانس شەفەق نیوز راگەیان، یەکیگ لە ئەندامەیل خێزانیگ تاوانیگ ئەنجام دایە وە مدوو گرفت کۆمەڵایەتی و تەرمەیل ئەرا خەسەخانەی سەێد سادق کلریانە.

وەپای سەرچەوەگە، زانیاری سەرەتایەیل دیاریکەن، توومەتبار سەرەکی تاوانەگە، یەکیگ لە کوڕەیل خێزانەگەس، لەدویای کوشتن شەش ئەندام لە خێزانەگە خوەیشی کوشتیە.

وتیش، تاوانبار دانیشتگ ئەوروپاس، لە وەخت گلەوخواردنی ئەرا ماڵ لەناو خێزانەگەی رویوەروی گرفت بویە و وە کۆمەڵکوشی کۆتایی وەپیهاوردیە.

لەدویای رویداوەگە، تیمەیل فریاکەفتن رەسنە ئەو شوینە، تەرم قوربانیەیل ئەرا خەستەخانەی سەێدسادق کلکەن، لەهەمان وەخت هێزەیل ئەمنی دسکەنە ئاشکراکردن هویردەکاری و هووکار تاوانەگە دڵتەنگی لە ناوچەگە دروسکرد.

سەرچەوەگە وتیش، تاوانبار ناوی بەشیر سالارە تەمەای 22 ساڵە  قوربانیەیل هەر یەک لە سالار محەمەد 50 ساڵ ، یارا سالار 8 ساڵ  و سەهەند سالار 14 ساڵ و سیما سالار 20 سالان و نهایەت قادر 40 ساڵانن.