ئەنجومەن پارێزگای هەولێر دانیشتن هەڵبژاردن پاریزگار نوو دیاری کەێد.. بەڵگەنامە
2021-02-06T09:27:19+00:00
شەفەق نیوز/ ئەنجومەن پارێزگای هەولێر پایتەخت هەرێم کوردستان، ئمڕوو شەممە، ئەو دانیشتنە دیاری کرد ک بڕیارە شەوەکی رووژ دووشەممەی ئایندە بکریەێد ئەرا دەنگدان لەبان سەرۆک نوو حکومەت خۆجێی لە پشت رەحمەتی فرسەت سوفی.
وەگورەی ئەو بەڵگەنامە ک واژووی عەلی رەشید سەرۆک ئەنجومەنەگە هەڵگردگە و کەفتە دەس ئاژانس شەفەق نیوز؛ بەڕنامەی کار دانیشتن ژمارە ٨٧ لە رووژ ٢٠٢١/٢/٨ ئەرا پەسەنکردن پارێزگار نوو تایبەت کریاگە.
وەرجەیە، ئەنجومەن پارێزگای هەولێر، رووژ چوارشەممەی گوزەیشتە، راگەیان وازکردن دەر کاندیدکردن ئەرا پۆست سەرۆک حکومەت خۆجێی لە رووژ چوار لەی مانگە تا شەش لە خود مانگەگە.
