کۆڕۆنا لە شاریگ هەرێم کوردستان پەنج قات بەرزەو بوود
![کۆڕۆنا لە شاریگ هەرێم کوردستان پەنج قات بەرزەو بوود](https://media.shafaq.com/media/arcella/1642148227890.jpg)
شەفەق نیوز/ ئیدارەی گەرمیان سەر وە هەرێم کوردستان، ئمروو جومعە، راگەیان، رێژەی تۊیشهاتن وە کۆرۆنا ئەرا پەنج ئەوەنە زیاد کردیە.
وەڕێەوبەر تەندروسی گەرمیان سیروان محەمەد جەماڵ وە ئاژانس شەفەق نیوز وت: تۊیشبۊیەیل کۆرۆنا بەرزەوبۊیە لە ناوچەیل گەرمیان وە رێژەی پەنج ئەوەنە زیاتر وە بەراورد وە بەرزەوبۊین تۊیشهاتنەیل لە هەرێم و پارێزگایەیلتر، تۊیشهاتن کۆرۆنای رووژانە وەرجە دو مانگ لە دو تۊیشبۊی لە بڕ 100 تاقیکردنەوە رەدئەکرد، باوجی لەی رووژەیل دۊیایە ئەرا 30 و25 تۊیشبۊی رووژانە لە 100 تاقیکردنەوە.
جەماڵ لە ئیدارەی گەرمیان ئاشکەرا کرد، ک وەڕیەوبەرایەتی تەندروسی کوردستان رێکارەیل تاقیکردنەوە و شیکردنەوەی ڤایرۆس ئاڵشتبۊی "ئۆمیکرۆن" وەردەوامە و ئەرا تاقیگەیل ناوەندی بەغدا کلکریەێد چۊنکە هۊیچ تاقیگەیگ نییە ئەرا تاقیکردنەوەی ڤایرۆس ئۆمیکرۆن لەپارێزگایەیل هەرێم. دیاریکرد، شمارەی ئەوکەسەیلە ڤاکیسن کۆرۆنا وەرگرن رووژانە لە150 ئەرا 500 کەسە، لە ئاکام هەڵمەتەیل هووشیاکردن مەترسیەیل ئاڵشتبۊی کۆرۆنا وەگەرد رێکارەیل و ئامادەکاری وەرخەوەخت و سەخت ئەرا نواگردن هەر تۊیشهاتنیگ وە ڤایرۆس کۆرۆنا ئاڵشبۊی "ئۆمیکرۆن" و دابینکردن گشت دەرمانەیل و پێداویستیەیل پزشکی.