ناڕەزایلیگ لەوەر قەیران ئاو جادەیگ سەرەکی لە ناوڕاس شار هەولێر بڕن

شەفەق نیوز/ دەیان لە ناڕەزایلەیلە، وەرجە نیمەڕو ئمڕوو جادەی ١٠٠ مەتری سەرەکی لەناوڕاس هەولێر لەلای باداوە بڕین لە ناڕازاییگ لەبان بڕین ئاو

یەکیگ لە ناڕەزایلە ئەرا ئاژانس شەفەق نیوز وت: یە دە رووژە ئیمە بی ئاویمن، و ماڵەیلمان هیشتیمنەسە جی، و دوێەکە وەپیمان وتن پڕۆژەی ئاوەگە خاسەو کریاگە و ئەرا ماڵەیلمان گلەو خواردیمن، وەلێ ئاوەگە نەهات.

لەلای خوەییش یەک ناڕەزای تر وت: دوێەکە دوو نانکی ئاو وە شەس هەزار دینار سەنمە، و نرخ یەک تانکەر ئاو رەسیە ١٠٠ دۆلار ئەمریکی.

خانمیگ لەناو ناڕەزایلە وت: لە جەژن قوربان تا ئیسە ئاو وەپیمان نەڕەسیە، و لەو مەوقەو تا ئیسە ئیمە ئاو وەپویل سینیمن.

لە ناڕەزاییەگە گەنج و ژن و پیاوەیل تەمەن گەورە وەداوای ئاو بەشداری کەن.