ناڕەزایەتی کارکەرەیل لە کەناڵیگ کوردی لەوەر دیرکەفتن مووچەیلیان
شەفەق نیوز/ کارکەرەیل لە کەناڵ KNN سەروە بزووتنەوەی گۆڕان لە پارێزگای سلێمانی، ئمڕوو شەممە، داوای خەرجکردن مووچەیلیان کردن ک ئەرا سێ مانگە دیر کەفتگە.
هەژار ئەنوەر نوێنەر کارکەرەیل کەناڵەگە لە کۆنگرەیگ رۆژنامەوانی لەوەردەم بارەگای بزووتنەوەی گۆڕان و ئاژانس شەفەق نیوز ئامادەی بوی وت: ئیمە بڕیگ لە رۆژنامەنووسیل لە کەناڵ KNN کوردی کار کەیمن، داوا لە وەرپرسەیل کەناڵەگە و بزووتنەوەگە کەیمن ئەو مووچەیلە ک ئەرا سێ مانگە وەبی هیچ دەسپیچگیگ دیرکەفتنە خەرج بکەن، و دووچەوەکی وەگەرد ئەو کارکەرەیل نەکەن.
وتیش؛ مووچەی بەشیگ لە ئەندامەیل دریا و ئەرا بەشیگ تر نەیریا، و ئەوە ستەمیگە لەبان ئیمە، و لێراو ئەرا پەیوەندیدارەیل ئووشیمن: ئەوەسا تا هەفتەی ئایندە مووڵەت دیمن، و ئەگەر مووچەکان خەرج نەکریان، ئەوەسا لە وەردەم بارەگای بزووتنەوەگە مانگگردن کەیمن و سکاڵایگ دادوەری تۆمار کەیمن.
