کۆڕۆنا دووارە لە هەرێم کوردستان بەرزەو بوود

شەفەق نیوز/ وەزارەت تەندروسی لە حکومەت هەرێم کوردستان، ئمڕوو چوارشەممە، راگەیان تۆمارکردن ٣ مردن و ٥٤١ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.

وەزارەتەگە لەبەیانامەیگ لە هەڵوێست پەتاگە لە هەرێم کوردستان  لەماوەی ٢٤ ساعەت گوزەیشتە ک رەسیە ئاژانس شەفەق نیوز وت: ٩٦٠١ تاقیکردنەوەی نوو ئەنجام داگە، وەیجوورە: ٢٦٦٣ هەولێر، ١٢٢٨ سلێمانی، ٢٤٧٢ دهۆک، ٤٥٥ گەرمیان، ٨٣ راپەڕین 

بەیاننامەگە ئاماژە لە ئاشکراکردن ٥٤١ تووشهاتن نوو کرد، وەیجوورە: ٢٢٣ هەولێر، ١٣٣ سلێمانی، ١٦٩ دهۆک، ٩ گەرمیان، ٧ راپەڕین.

بەیاننامەگە دیاری کرد ک ٢٠٨ بیمار لە پەتاگە خاسەو بوین، وەیجوورە: ٦٢ هەولێر، ٥٤ سلێمانی، ٨٠ دهۆک، ١١ گەرمیان، ١ راپەڕین.

بەیاننامەگە وتیش؛ ٣ مردن لەماوەی ٢٤ ساعەت گوزەیشتە تۆمار کریا، وەیجوورە: ٢ هەولێر، ١ گەرمیان.

بەیاننامەگە وتیش؛ ژمارەی ئەو کەسەیلە ک کەرەنتین کریان رەسیە (٢١٨٧١) کەس گشتیان دەرچکن، و وەزارەتەگە ١٢٩٢٤٦٤ تاقیکردنەوە ئەنجام داگە.

و گشت ژمارەی تووشهاتنەکان رەسیە ١١٣٩٩٨ کەس، ٤٠٢٥٠ هەولێر، ٣٢٨٩٥ سلێمانی، ٣٧٧٣٥ دهۆک، ٢١١٨ هەڵەبجە

.

و ١٠٦٠٩٢ بیمار خاسەو بوینە؛ ٣٧٢٢٩ هەولێر، ٢٩٧٩٧ سلێمانی، ٣٦١٠٦ دهۆک، ٢٩٦٠ هەڵەبجە.

بەیاننامەگە ئاماژە کرد ک ٣٥٧٧ کەس لەوەر پەتاگە مردنە، ٩٥٧ هەولێر، ١٧٢٢ سلێمانی، ٧٥٥ دهۆک، ١٤٣ هەڵەبجە.