ناوخوه‌يى كوردستان هه‌ڕه‌شه‌ى سزاداين ئه‌و كه‌سه‌يله‌ كرد ته‌قه‌ له‌باره‌گايه‌يل حزبى كردنه‌

Category: هــــه‌واڵ كــوردى

Date: 2019-09-21T21:23:43+0000
ناوخوه‌يى كوردستان هه‌ڕه‌شه‌ى سزاداين ئه‌و كه‌سه‌يله‌ كرد ته‌قه‌ له‌باره‌گايه‌يل حزبى كردنه‌

شه‌فه‌ق نيوز/ رێبه‌ر ئه‌حمه‌د وه‌زير ناوخوه‌يى له‌ حكومه‌ت هه‌رێم كوردستان, ئاشكراى ئه‌وه‌  كرد هه‌ر لايه‌نيگ له‌ پشت ئه‌و په‌لاماره‌يله‌ بويه‌ ك ئه‌نجام دريانه‌ ئه‌را بان باره‌گايه‌يل حزبى وه‌ گووره‌ى ياسا مامڵه‌ وه‌ليانا ئه‌كريه‌ێد و ئاماژه‌يش وه‌ وه‌رده‌وامى ئاڵشتكارى كرد له‌ پۆسته‌يل حكومى.

 

ئه‌حمه‌د له‌ لێدوانيگ ئه‌را رووژنامه‌نويسه‌يل، وت: ته‌قه‌كردن له‌ باره‌گايه‌يل چه‌واشه‌ى سياسه‌ت حكومه‌ت هه‌رێم كوردستانه‌و جه‌خت له‌وه‌يش كرد روێداگه‌گه‌ سماقوڵى هويچ ده‌سيگ له‌ پشتيه‌و نه‌ويه‌و رويداگيگ بويه‌ ناپه‌سه‌ن و مه‌سه‌له‌گه‌يش چاره‌سه‌ر ئه‌كريه‌ێد.

 

جى باسه‌، باره‌گاى لق چوار پارت ديموكرات كوردستان له‌ شار سلێمانى تويش په‌لاماريگ چه‌كدارى هات وه‌لێ پاسه‌وانه‌يل باره‌گاگه‌ ته‌قه‌ له‌ سه‌رچه‌وه‌يل ئه‌و په‌لاماره‌ كردن وه‌بى زه‌ره‌د گيانى، يه‌يش له‌وه‌ختيگ هووكاره‌يل ره‌سانن يه‌كێتى نيشتمانى كوردستانيش ئه‌وه‌ ده‌رخست ك ته‌قه‌ له‌ دو باره‌گاى حزبيى كرياگه‌ له‌ هه‌ولێر پايته‌خت هه‌رێم كوردستان له‌لايه‌ن چه‌كداره‌يليگ نه‌ناسرياگه‌و.

related

ناوخوه‌يى كوردستان بڕيگ وشدارى ده‌ركرد: مه‌ترسه‌يل په‌تا وه‌رده‌وامه‌

Date: 2020-04-26 21:01:31
ناوخوه‌يى كوردستان بڕيگ وشدارى ده‌ركرد: مه‌ترسه‌يل په‌تا وه‌رده‌وامه‌

ناوخوه‌يى كوردستان له‌باره‌ى رێ وشوون قه‌يه‌غه‌ى هاتوچوو له‌ جه‌ژن ئاشكراكردنيگ دا

Date: 2020-05-23 20:48:36
ناوخوه‌يى كوردستان له‌باره‌ى رێ وشوون قه‌يه‌غه‌ى هاتوچوو له‌ جه‌ژن ئاشكراكردنيگ دا