کەمەوکردن شیروایی ناوەین ئێزدیەیل لە عراق و جەهان

شەفەق نیوز/ لە گام دیاریگ، ئەنجومەن رووحانی ئێزدی، ئمڕوو شەممە، کەمەوکردن شیروایی مارەبڕین ئەرا تەنیا 40 مسقاڵ تەڵا راگەیان، لە جیای 75 مسقاڵ جارانی.

ئی بڕیارە لە گردەوبوین ئەنجومەن وە ئامادەبوین شازادەی ئێزدیەیل میر تەحسین بەگ هات، وەگورەی پەیامنێر ئاژانس شەفەق نیوز.

جینشین شازادەی ئێزدیەیل لە عراق و جەهان، میر جهور بەگ، ئەرا ئاژانس شەفەق نیوز دیاری کرد کە ئی کەمەوکردنە لە وەڵامدان ئەرا ئەو رەوشەیل ئابووری سەختە تیەێد, کە هەرێم کوردستان وەپیا رەد بوود، وەتایبەت مەردم ئێزدی. 

وتیش: ئامانج لەی بڕیارە سووکەوکردن بار دارایی وەبان ئەو گەنجەیلەسە کە نیاز ژنخوازین دیرن، و هاندانیان ئەرا بیناکردن ژیان خوەیان لە سای ئی سەختیەیلە، وتیش: بڕیارەگە گشت ئێزدیەیل لە گشت جەهان گرێدەو.